Sjálfbærnistefna

Sjálfbærnistefna Baunir & ber

Hjá Baunir & ber er sjálfbærni ein af grunnstoðum starfseminnar. Við trúum því að heildverslanir geti gegnt lykilhlutverki í að stuðla að ábyrgri nýtingu auðlinda, draga úr neikvæðum áhrifum á umhverfið og styðja við heilbrigðari og sjálfbærari lífsstíl neytenda. Markmið okkar er að byggja starfsemi okkar á traustum sjálfbærnigrundvelli og hvetja samstarfsaðila okkar til að gera hið sama.

1. Loftslagsábyrgð

Við stefnum að því að draga úr kolefnisspori okkar með markvissum aðgerðum:

• Orkunýting: Við notum endurnýjanlega orku í allri starfsemi okkar og vinnum stöðugt að því að minnka orkunotkun.
• Flutningar: Við forgangsröðum vistvænum flutningsleiðum, svo sem sjóflutningum fram yfir flug, og höfum markmið um að floti okkar verði kolefnislaus fyrir árið 2026.
• Framleiðsla: Við störfum með birgjum sem skuldbinda sig til að nota orkusparandi tækni og draga úr losun gróðurhúsalofttegunda í framleiðslu sinni.
• Innkaup: Við merkjum og rekjum kolefnisspor í innkaupum frá birgjum með það að markmiðið að draga úr losun gróðurhúsalofttegunda í innkaupum og vali á birgjum.

2. Vistvænar vörur

Baunir og Ber leggja áherslu á að bjóða upp á fjölbreytt úrval vörutegunda sem hafa lágmarksáhrif á umhverfið:

• Lífrænt vottaðar vörur: Við styðjum lífræna ræktun sem dregur úr jarðvegs- og vatnsáhrifum og eykur líffræðilegan fjölbreytileika.
• Nýsköpun í umbúðum: Við vinnum með framleiðendum að þróun umhverfisvænni umbúða, forðumst einnota plast og hvetjum til notkunar á endurnýtanlegum efnum.
• Upprunamerkingar: Við tryggjum gegnsæi í framleiðslukeðjunni með skýrum upprunamerkingum, svo neytendur geti tekið upplýstar ákvarðanir.

3. Nýting og úrgangsstjórnun

Markmið okkar er að lágmarka sóun og hámarka nýtingu auðlinda:

• Matarsóun: Við leggjum okkur fram um að lágmarka matarsóun með skipulagðri birgðastýringu
• Endurvinnsla: Við höfum innleitt skilvirkt flokkunarkerfi á öllum starfsstöðvum og hvetjum viðskiptavini og samstarfsaðila okkar til að taka þátt í söfnun og endurvinnslu.
• Hringrásarhugsun: Við leitumst við að hámarka líftíma vara með því að styðja við viðgerðir, endurnýjun og endurvinnslu.

4. Félagsleg ábyrgð

Sjálfbærni snýst ekki aðeins um umhverfið heldur einnig um samfélagið:

• Sanngirnisviðskipti: Við forgangsröðum viðskiptum við framleiðendur sem tryggja sanngjörn laun og góð starfsskilyrði fyrir starfsmenn sína.
• Menntun og vitundarvakning: Við hvetjum starfsfólk okkar, birgja og viðskiptavini til að taka þátt í sjálfbærniaðgerðum með fræðslu og upplýsingamiðlun.
• Samfélagsstyrkir: Við styðjum verkefni á sviði umhverfis- og samfélagsmála sem stuðla að bættri velferð í íslensku samfélagi.

5. Viðvarandi umbætur

Sjálfbærnistefna okkar er lifandi skjal sem stöðugt er unnið að því að bæta:

• Við mælum reglulega árangur okkar í sjálfbærnismálum og gerum umbætur þar sem þess þarf.
• Við leitum samstarfs við sérfræðinga og fræðasamfélagið til að þróa nýjar lausnir sem styðja við sjálfbærnimarkmið okkar.
• Við birtum ársskýrslu um sjálfbærniaðgerðir okkar þar sem fram koma helstu árangur og áskoranir.

Sjálfbærnistefna Baunir & ber er ekki aðeins stefna heldur loforð. Með því að vinna markvisst að því að vernda umhverfið, stuðla að heilbrigðari samfélagi og efla sjálfbærar lausnir trúum við því að við getum lagt okkar af mörkum til framtíðar þar sem fólk og náttúra dafna í sátt.